Марла : Русский : English

нӧлталаш

Туравеллык:
Марий --> Руш
Пералтыш:
нӧлтала́ш

-ам

однокр.

1. поднять, переместить что-л. вверх, сместить по направлению вверх, вздеть (руки).

Тистым нӧлталаш поднять знамя;

вуйым нӧлталаш поднять голову.

Шара шинчан йошкарармеец кидшым нӧлтале, вагонысо-влак чыланат шыпланышт. С. Чавайн. Сероглазый красноармеец поднял руку, сидевшие в вагоне притихли.

Пётр Иванович изи ӱдыржым кӱшкӧ, тувраш деке, нӧлтале. Г. Чемеков. Пётр Иванович поднял свою дочь высоко к потолку.

2. приподнять, слегка поднять, немного поднять; приоткрыть.

Упшым нӧлталаш приподнять шапку;

шыҥалыкым нӧлталаш приоткрыть полог;

оҥам нӧлталаш приподнять доску;

леведышым нӧлталаш приподнять крышку;

йолым нӧлталаш приподнять ногу.

– Поро кече лийже, Зинаида Васильевна! – Григорий Петрович картузшым нӧлтале. С. Чавайн. –Добрый день, Зинаида Васильевна! – Григорий Петрович приподнял картуз.

– Ончалза, – манын, старший лейтенант плащ-палаткым нӧлтале. В. Иванов. – Посмотрите, – старший лейтенант приподнял плащ-палатку.

3. поднять, отделить от земли, пола и удержать на весу.

Нелытым нӧлталаш поднять тяжесть;

кирым нӧлталаш поднять гирю;

штангым нӧлталаш поднять штангу.

Иван оҥа перроныш лектешат, корзинкам вачышкыже нӧлталын, вокзал деч тарвана. Я. Ялкайн. Иван выходит на дощатый перрон, и, подняв на плечо корзину, уходит от вокзала.

Тышке мом кычал толынат? Вет киркамат сайын нӧлтал от кертыс! Г. Чемеков. Зачем ты пришёл сюда? Ведь ты даже кирку поднять толком не можешь!

4. поднять, взять, подобрать (с пола, земли и т. д.).

Пӧртышкӧ пурыш, кӱвар ӱмбалне кийыше письмам ужо. Нӧлтале, лудын лекте. Ю. Артамонов. Зашла в дом, на полу увидела письмо. Подняла, прочитала.

5. поднять, снять, отворить (щеколду, задвижку, крючок и т. д.).

Трупкам (телефонын) нӧлталаш поднять трубку телефона;

омса тӱкылтышым нӧлталаш отворить щеколду.

Наганым пурла кидышкыже кучен, Микале паккӱзӧ дене чыҥгырым йыштак нӧлтале. В. Дмитриев. Взяв наган в правую руку, Микале ножиком тихонько снял крючок.

Стрельников телефон трупкам нӧлтале, но ыш звонитле, мӧҥгеш пыштыш. А. Асаев. Стрельников поднял телефонную трубку, но не стал звонить, положил обратно.

6. поднять, поставить в вертикальное положение.

Мыйым, вийдымым да кылмышым, эркын нӧлталыт. Г. Чемеков. Меня, обессилевшего и замёрзшего, осторожно поднимают.

Мый мландыш шуҥгалтым, нӧлтальыч тый мыйым тунам. А. Бик. Я упал на землю, но ты поднял тогда меня.

Таҥастаре: кынелташ, шогалташ

7. поднять; придать стоячее положение.

Шӱшам нӧлталаш поднять воротник;

упш пылышым нӧлталаш поднять шапку.

Уремыште шинчам почшаш гай огыл. Вася кугызаже семын пинчак согажым нӧлтале. Н. Лекайн. На улице – не открыть глаза. Вася, подражая своему дяде, поднял воротник пиджака.

Таҥастаре: шогалташ

8. поднять; сделать более высоким.

Корным нӧлталаш поднять дорогу;

пӧрт негызым нӧлталаш поднять фундамент дома;

саварым нӧлталаш поднять забор.

Айда пӧртетым эше кок йырлан нӧлталына, кӱкшырак лиеш. Давай поднимем дом ещё на два ряда, будет повыше.

Таҥастаре: кӱкшемдаш

9. поднять, заставить тронуться с места, взлететь; поднять с постели, разбудить.

Кугу ойго калыкым йӧратен шичме верже гыч нӧлтале. Большая беда заставила подняться народ с насиженного места.

Мыйым таче пеш эр нӧлтальыч. Сегодня меня подняли (с постели) очень рано.

Таҥастаре: кынелташ

10. поднять, задрать, закатать, завернуть кверху (брюки, рубашку и т. д.).

Тувырым нӧлталаш задрать рубашку;

урвалтым нӧлталаш задрать подол.

Кенета тудо йолашеҥырашыжым нӧлталят, йолвургыжым ончыктыш. В. Косоротов. Вдруг он задрал штанину брюк и показал голени.

11. поднять над головой, вознести (для удара, защиты).

Лупшым нӧлталаш поднять нагайку;

кӱзым нӧлталаш вознести нож;

товарым нӧлталаш поднять топор;

мушкындым нӧлталаш поднять кулак.

– Пыштыза пычалдам! – патыр капан кӱртньӧ кольчуган йыгыт кошар умдыжым нӧлтале. К. Васин. – Сложите ружья! – поднял острое копьё здоровый парень в железной кольчуге.

12. поднять, вздымать, поднять кверху (пыль, дым, волну и т. д.).

Пуракым нӧлталаш вздымать пыль;

мландым нӧлталаш вздымать землю.

Катер, изирак толкыным нӧлталын, верже гыч тарваныш. В. Исенеков. Катер, вздымая небольшие волны, тронулся с места.

Савораште кукшо оргаж гына пудешт-пудешт йӱла, коклан тулмеҥгым нӧлталеш. А. Краснопёров. В костре с треском горит сухой хворост, иногда вздымается столб огня.

13. охот. поднять; вспугнув, выгнать.

Мераҥым нӧлталаш поднять зайца;

маскам нӧлталаш поднять медведя.

Чодыраш пурен шуна веле, пийна мераҥым нӧлтале. Только зашли в лес, тут же собака подняла зайца.

14. поднять, подтянуть.

Кемшулышым нӧлталаш подтянуть голенище;

шылымбалым нӧлталаш подтянуть чересседельник.

Тудо ик мут пелештыде, шылымбалым нӧлтале, омыта йымаке кидшым чыкен ончале. В. Иванов. Не сказав ни слова, он подтянул чересседельник и, засунув руку, проверил хомут.

15. поднять, направить, навести (оружие, глаза).

Пычалым нӧлталаш направить ружьё;

револьверым нӧлталаш поднять револьвер;

шинчам нӧлталаш направить глаза.

Тудо, шоныде куржын миен, Лашманов ӱмбак автоматшым нӧлтале. Н. Лекайн. Ни о чём не думая, он прибежал и направил автомат на Лашманова.

Пел шинчан немыч арбалетшым татар сарзе ӱмбак нӧлтале. К. Васин. Одноглазый немец направил свой арбалет на татарского воина.

Таҥастаре: виктараш

16. перен. поднять, увеличить, повысить.

Дисциплиным нӧлталаш поднять дисциплину;

культурым нӧлталаш повысить культуру;

пашадарым нӧлталаш увеличить зарплату;

акым нӧлталаш повысить цену.

«Звезда» колхоз теният уржа лектышым ятырлан нӧлталеш. А. Волков. Колхоз «Звезда» и в этом году значительно повысит урожайность ржи.

Мый шке верчем огыл, эн чотшо тендан верч ойгырем. Тендан чапдам нӧлталнем. Н. Лекайн. Больше всего я беспокоюсь не за себя, а за вас. Хочу прославить вас.

Таҥастаре: кӱзыкташ, кугемдаш

17. перен. поднять, настроить, сделать более активным, приподнятым, улучшить (настроение, настрой, душевное состояние), воодушевить, вдохновить.

Кумылым нӧлталаш поднять настроение;

чоным нӧлталаш поднять дух;

калыкым нӧлталаш воодушевить народ.

Театр кеч-могай ялыш мия гынат, калыкын кумылжым нӧлталеш. М. Шкетан. В какую бы деревню ни приехал театр, поднимает настроение народа.

Шӱмбел партий, йӧратыме эл рвезе тукымым у пашаш нӧлталыт, онар патырыш савырат. П. Корнилов. Родная партия, любимая страна вдохновили молодое поколение на новые дела, превратили в сказочного богатыря.

Таҥастаре: кӱзыкташ

18. перен. поднять, затеять, начать какое-л. действие (восстание, забастовку, шум, ругань, ссору и т. д.).

Пудыранчыкым нӧлталаш поднять смуту;

тумасам нӧлталаш затеять ссору;

восстанийым нӧлталаш поднять восстание.

Тудо качын кайымыж годым шургымашым нӧлталаш шонен ыле. Н. Лекайн. Во время отъезда жениха он хотел поднять шум.

Гариф мурза-влак ваштареш пудыранчыкым нӧлталаш тӧчен улмаш. К. Васин. Гариф пытался поднять смуту против мурз.

Таҥастаре: тарваташ

19. перен. поднять, наладить, поправить, улучшить что-л. запущенное.

Озанлыкым нӧлталаш поднять хозяйство;

илышым нӧлталаш наладить жизнь.

Чодыра паша шолдыргышо озанлыкым чот нӧлтал колтен кертеш. С. Чавайн. Лесоразработки могут сильно поднять наше расшатанное хозяйство.

Посна лекмек, илышыжым утларак нӧлтале. М. Евсеева. После того, как он отделился, лучше наладил свою жизнь.

20. перен. поднять, ставить, поставить, возбудить (вопрос, проблему), посмотреть, изучить (дело, архив), предпринять, начать.

Йодышым нӧлталаш поставить вопрос;

проблемым нӧлталаш поднять проблему;

архивым нӧлталаш поднять архив;

материалым нӧлталаш поднять материал;

делам нӧлталаш возбудить дело.

Сложный мутым возымо нерген дискуссийым почмыж дене журнал, чынак, кӱлешан пашам нӧлталын. «Ончыко». Открыв дискуссию о правописании сложных слов, журнал начал действительно важное дело.

Самырык автор-влак почеламутыштышт тӱрлӧ темым нӧлталыт. «Мар. ком.». Молодые авторы в своих стихотворениях поднимают разные темы.

Таҥастаре: тарваташ

21. перен. поднять, провозгласить (тост), выпить.

Чаркам нӧлталаш выпить рюмку;

тостым нӧлталаш провозгласить тост.

Стаканыш чевер «эмым» темышна. Тостым нӧлтална. Г. Чемеков. В стаканы налили красное «лекарство». Подняли тост.

22. перен. поднять, сделать более значительным в чьих-л. глазах, мнении и т. д.

Мемнан задачына – шкенан марий калыкым нӧлталаш. Н. Лекайн. Наша задача – поднять свой марийский народ.

23. перен. поднять, вспахать (целину, пар).

Сӧремым нӧлталаш поднять целину;

такырым нӧлталаш поднять пар.

Тений мемнан колхоз лу гектар сӧремым нӧлтале. Нынче наш колхоз поднял десять гектаров целины.

Йыжыҥан койыш мут:

Нӧлтал колташ

Нӧлтал кудалташ

Нӧлтал ончаш

Ойсавыртыш:

Вуйым нӧлталаш

Кидым нӧлталаш

Нерым нӧлташ

Тыште йоҥылыш
МарлаМутер © 2008-2020
Мемнан лаштык контактыште
Мемнан лаштык facebook-ышто