Марла : Русский : English

10 томан марий йылме мутер

Тӱрлык: Кок йылман мутер
Туравеллык: Марий -> Руш
Ышталтын: 2011 Пургыж 27
Кӧ ыштен: МарлаМутер
10 томан марий йылме мутер негызеш ыштыме электрон мутер. Официал релизыште улшо йоҥылыш-влакым тӧрлатыме.

Негызлыме савыкталтмаш нерген:
Мутер – МарНИИЯЛИн иктешлыме савыкталтмаш. Тудым ыштымаште 20 наре автор (А.А. Абрамова, В.И. Вершинин, Г.С. Патрушев, И.Г. Иванов, А.С. Ефремов, Н.И. Исанбаев, И.С. Галкин, В.Н. Максимов да молат) тыршен. Мутерыш тӱҥ негызым МарНИИЯЛИн, 2 амион карточкан, литератур йылмысе да диалектласе мут картотеке-влак пыштеныт. Картотеке-влак литератур да калык-кутырымо марий йылмын чыла гаяк мутпоянлыкшым, тидын шотышто мер-политик, шанче-техник да моло терминологийымат чумыреныт. Нуным ыштыме годым улшо савыкталтше да кидвозыш мутерым, сылнемутан да фольклор сынан произведений-влакым, периодик печать, учебник, экспедицийын полевой (диалектологийысе, фольклорысо, этнографийысе) материалым да диссертаций-влакым кучылтмо. Садлан мутерын мутпогыжо марий йылме мутвундын тӱрлылыкшым тичмашын ончыкта, тудо чыла марий кундемойын мутвундым (эн ончыч мутвундо ойыртеман этнографизм ден диалект мут-влакым) авырен.

Мутерыш шуко да ик гана, таратыше ден савыралтше койыш мут-влак, лӱм мут да пале мут семын кучылталтше причастий, наречий семын кучылталтше деепричастий-влак пурталтыныт. Мутерысе статья почеш йыжыҥан койыш мут ден кӱэмалтше савыртыш, йыжыҥан термин але кӱэмалтше ой-влак, тыгак синоним деке кылвер-влак ончыкталтыныт. Чыла мутерысе единице-влакым руш йылмыш кусарыме, кӱчык ыҥжым ончыктымо; нунын ыҥыштым тыгак руш йылмыш кусарыме мутсавыртыш ден ойлончо-влак гоч сӱретлыме. Мутер кок йылман улеш, марий-влаклан да марий йылмым палыдымланат темлалтеш. Сандене руш йылме гыч пурышо мут-влакын ыҥжым, поснак термин-влакым, марла пуымо, да марий термин ден эквивалентдыме мут-влакым рушла умылтарыме. Шуко палыме южо мут ден термин-влакым ыҥ деч посна ончыктымо. Мутын йылмылончыш да стилистике характеристикыже пуалтеш, кушто кучылталтмыже ончыкталтеш. Тиде мутер савыктыш пашаеҥ, журналист, серызе, шанче пашаеҥ, аспирант, студент, туныктышо, тунемше, тыгак марий йылме да марий калыкын тӱвыражым шымлыше-влаклан темлалтеш.
МарлаМутер © 2008-2018
Мемнан лаштык контактыште
Мемнан лаштык facebook-ышто