Йылмым ойыро
Кызытсе жаплан ме тыгай тӱжвал сын йылме-влакым темлена:
Марла
Русский
English
Марла : Русский : English

Пагален ӱжына!

МарлаМутер проектын лаштыкверыш пагален ӱжына.

Проект тӱням икымше гана 2008 ийын сӱрем тылзыште ужын. Проектлан кызыт ныл ий утла, да тудо писын вияҥеш. Кызытсе жаплан проект икмыняр ужаш гыч шога:

  • Чынвозышым тергымаш. Мемнан шкенан шонен лукмо чынвозышым тергыше программе мут-влакым веле огыл терга, кажне мутлан текст полышым пуа. Тиде текст полыш дене тый чынвозышым сайынрак пален кертат.
  • Онлайн да электрон мутер. Кӱлеш мутым тый мемнан онлайн мутерлаште кычалын кертат. Тугат тый кӱлеш мутерым тӱрлӧ электрон сыныште шупшын налын кертат, мутлан, StarDict, ABBYY Lingvo але XDXF сыныште. Тый иктаж-могай у мутым палет гын, мемнан эрыкан мутерыш ешарен кертат. Эсогыл тиде лаштыкверыштат тый шке у мутерым ыштен кертат.
  • Йылме корпус. Пеш кӱлешан йылмышанче ӱзгар. Тудын полыш дене йылме шотышто тый тӱрлӧ шымлымаш пашам ыштен кертат. Чаманен каласаш логалеш, кызыт тиде лаштыквер ужашыже тест семын пашам ышта. Чылам келыштарыме деч вара, тиде ӱзгар йӧнанрак лиеш.
  • Мер вапш. Пашам кумылан ышташ мемнан мер вапш полша. Тыште тый шке йолташ-влак дене кылым кучен але вес еҥ дене палыме лийын кертат. Адак каласаш кӱлеш, тиде лаштыквер ужаш кызыт веле ышталтеш. Туге гынат, лаштыкверыште тый регистрациым эртен да вес пайдаланыше-влак дене мутланен кертат.
  • Марий йылмылончыш. Тиде лаштыквер ужашыште тый марий йылмылончыш нерген лудын кертат. Увераҥар кӱчык да эн кӱлешан улеш - кажне ойлымаш ужаш нерген да мут ыштымаш нерген ойла.
  • Марий лӱм-влак. Тиде лаштыквер ужашыже ик эн тошто улеш, тыште тый марий лӱм-влак нерген Крыммарий Азимын полшыкым лудын кертат. Эн пайдале, кунам шкендын але йолташетын йоча шочшаш, а тиде ужашыш пурен ончалын, ньогаланет лӱмым ойырен кертат.

Ӱшанена МарлаМутер проект тылат келшышаш тӱҥалеш. Тыйын иктаж-могай йодыш лектеш гын, Мӧҥгешла кыл лаштыкыште йодын кертат. Да мемнан Facebook лаштыкыште like полдышым темдалаш ит мондо.

МарлаМутер © 2008-2016, Марла : Русский : English